ភ្ញៀវប្រចាំថ្ងៃ

Verfügbare Folgen

von

ភ្ញៀវប្រចាំថ្ងៃ - លោក ប៉ាវ ស៊ីណា៖ «វិសោធនកម្មច្បាប់ស្តីពីការងារកន្លងទៅ ស្ថិតនៅជាកង្វល់របស់សហជីពដដែល»

តំណាងសហជីព និងអង្គការសមាគមចំនួន ២០អង្គភាព នៅព្រឹកថ្ងៃព្រហស្បតិ៍នេះ បានដាក់ញត្តិរួមគ្នាមួយទៅកាន់ក្រសួងការងារ ដើម្បីស្នើសុំឲ្យរដ្ឋាភិបាលធ្វើវិសោធនកម្មមាត្រាច្បាប់សហជីពចំនួន១០ ដែលពួកគេយល់ថាធ្វើឲ្យប៉ះពាល់ដល់សិទ្ធិសេរីភាពរបស់សហជីព។ លោក ប៉ាវ ស៊ីណា ប្រធានសហភាពចលនាកម្មករ ថ្លែងឲ្យដឹងថា ច្បាប់ស្តីពីសហជីព ដែលរដ្ឋសភាបានសម្រេច និងអនុម័តតាមរយៈវិសោធនកម្ម កាលពីពេលថ្មីៗនេះចំនួន១០មាត្រា មិនបានដាក់បញ្ជូលយោបល់ និងកង្វល់របស់សហជីព ទៅក្នុងសេចក្តីព្រាងច្បាប់នេះទេ។

ភ្ញៀវប្រចាំថ្ងៃ - លោក តុប សុភ័ក៖ «ក្រសួងទេសចរណ៍ជូនដំណឹងដល់ប្រតិបត្តិករទេសចរណ៍ ឲ្យជួយសង្កេតពីអាការៈខុសប្រក្រតីរបស់អ្នកទេសចរ»

ដើម្បីកុំឲ្យភ្ញៀវទេសចរមានភាពអផ្សុក និងចង់ឲ្យមានការស្វែងយល់ពីសិល្បៈប្រពៃណីខ្មែរផង ក្រសួងទេសចរណ៍ បានរៀបចំទស្សនីយភាពសិល្បៈ សម្តែងជូនភ្ញៀវទេសចរ ដែលបានធ្វើដំណើរចុះពីនាវា Westerdam ពីខេត្តព្រះសីហនុ មកស្នាក់នៅក្នុងសណ្ឋាគារសុខាភ្នំពេញ ដើម្បីត្រៀមធ្វើដំណើរតាមយន្តហោះទៅកាន់ប្រទេសរបស់ពួកគេរៀងខ្លួន។ លោក តុប សុភ័ក អ្នកនាំពាក្យក្រសួងទេសចរណ៍ ថ្លែងឲ្យដឹងថា ក្រៅពីទស្សនីយភាពសិល្បៈនេះ ក្រសួងទេសចរណ៍ក៏បានជូនដំណឹងទៅប្រតិបត្តិករទេសចរណ៍ដែរ ដើម្បីឲ្យមានការយល់ដឹងទូលំទូលាយ និងបង្ការការឆ្លងវីរុស Covid-19 ដោយតម្រូវឲ្យប្រតិបត្តិករសេវាកម្មទេសចរណ៍មានព័ត៌មានច្រើនបន្ថែមទៀតពីភ្ញៀវទេសចរ។

ភ្ញៀវប្រចាំថ្ងៃ - លោក ខេន លូ៖ កម្មករជាង៧ម៉ឺននាក់នឹងអាចប្រឈមបាត់បង់ការងារ បើអឺរ៉ុបមិនកែប្រែសេចក្តីសម្រេចចិត្តរបស់ខ្លួន

គណៈកម្មការអឺរ៉ុប កាលពីថ្ងៃទី១២ ខែកុម្ភៈ បានចេញសេចក្តីសម្រេចព្យួរប្រព័ន្ធអនុគ្រោះពន្ធលើមុខទំនិញប្រមាណជា៤០ ដែលនាំចេញពីកម្ពុជាទៅកាន់ទីផ្សារអឺរ៉ុបដោយសារតែមិនមានការស្តារឡើងវិញ នូវលទ្ធិប្រជាធិបតេយ្យ និងសិទ្ធិមនុស្សនៅកម្ពុជា។ ការណ៍នេះ នឹងធ្វើឲ្យប៉ះពាល់មុនគេ ដល់វិស័យកាត់ដេរសម្លៀកបំពាក់ និងស្បែកជើង ហើយកម្មករប្រមាណជា៧ម៉ឺននាក់ នឹងអាចប្រឈមបាត់បង់ការងារ។ បើទោះបីជាពេលនេះ មិនទាន់មានសញ្ញាច្បាស់លាស់ ពីផលប៉ះពាល់ក្តី ប៉ុន្តែលោក ខេន លូ អគ្គលេខាធិការសមាគមរោងចក្រកាត់ដេរនៅកម្ពុជា (GMAC) ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ បានទទូចឲ្យសហភាពអឺរ៉ុបពិចារណាផ្តល់ EBA ឡើងវិញ ដើម្បីជួយដល់កម្មករខ្មែរ។ តើហេតុអ្វី?

ភ្ញៀវប្រចាំថ្ងៃ - លោក គី សិរីវឌ្ឍន៍៖ កំណែទម្រង់វិស័យទេសចរណ៍ជារឿងចាំបាច់ដើម្បីសង្គ្រោះសេដ្ឋកិច្ចកម្ពុជា

ភ្ញៀវប្រចាំថ្ងៃរបស់វិទ្យុបារាំងអន្ដរជាតិ RFI នារាត្រីនេះ គឺលោកបណ្ឌិត គី សិរីវឌ្ឍន៍ ដែលជាអ្នកជំនាញផ្នែកសេដ្ឋកិច្ច។ ក្នុងពេលដែលសេដ្ឋកិច្ចកម្ពុជាត្រូវរងផលប៉ះពាល់ដោយសារអឺរ៉ុបដកការអនុគ្រោះពន្ធផ្នែកខ្លះ លោកបណ្ឌិត គី សិរីវឌ្ឍន៍ យល់ឃើញថា កម្ពុជាត្រូវធ្វើកំណែទម្រង់ក្នុងវិស័យទេសចរណ៍។ កំណែទម្រង់ក្នុងវិស័យទេសចរណ៍នេះ បើតាមលោក គី សិរីវឌ្ឍន៍ មានសារៈសំខាន់និងចាំបាច់ខ្លាំងណាស់ ដើម្បីជួយសង្គ្រោះកំណើនសេដ្ឋកិច្ចកម្ពុជា។

ភ្ញៀវប្រចាំថ្ងៃ - លោក ឡុង សុផាត ៖ ភាគីពាក់ព័ន្ធនឹងបង្ហាញពីភាពជាក់ស្តែងប្រាប់ទៅអឺរ៉ុបដើម្បីពិចារណាឡើងវិញរឿងEBA

ក្រោយពីសហភាពអឺរ៉ុបសម្រេចដកហូតផ្នែកខ្លះនៃប្រព័ន្ធអនុគ្រោះពន្ធEBAពីកម្ពុជានោះ ប្រតិកម្មនានានៅតែបន្តធ្លាក់មកជាបន្តបន្ទាប់។ សហភាពសហជីពយុវជនការពារសិទ្ធិកម្មករកម្ពុជានិងសហជីពមួយចំនួនទៀតបានចេញសេចក្តីថ្លែងការណ៍ដោយឡែកពីគ្នាទាក់ទងនឹងសេចក្តីសម្រេចរបស់សហភាពអឺរ៉ុបនេះដោយសំដែងការសោកស្តាយ។ ទន្ទឹមសោកស្តាយ សហជីពអះអាងថា ពួកគេនឹងធ្វើលិខិតស្នាមបង្ហាញពីភាពជាក់ស្តែងរបស់កម្មករប្រាប់ទៅអឺរ៉ុបដើម្បីពិចារណាឡើងវិញរឿងEBA ដែលនៅសល់ពេល៦ខែខាងមុខទៀត។