«គំនូរស្រមោល» ជាប្រភេទសិល្បៈឆ្នៃប្រឌិតបែបថ្មីដែលមានការរួមបញ្ចូលគ្នារវាងពន្លឺនិងស្រមោល។ ច្នៃចេញសិល្បៈនេះឡើងនៅ​​ក្នុងឆ្នាំ​២០២០ លោក អ៊ួ ដារិទ្ធ​ ​ត្រូវដាក់ចិត្តដោយមានអំណត់អត់ធ្មត់ខ្ពស់នៅក្នុងការផលិតគំនូរមួយ​ផ្ទាំងៗឡើង។ ​យុវជន​ដារិទ្ធ ត្រូវសិក្សាស្វែងយល់​​ធ្វើសិល្បៈនេះ​ខ្លួនឯង ​ពីមួយថ្ងៃទៅមួយថ្ងៃ​ ដោយក្តី​រំពឹងខ្ពស់នាំយក​ផ្ទាំងគំនូររបស់ខ្លួន​ឱ្យគេស្គាល់និងគាំទ្រកាន់តែច្រើនឡើងថែមទៀត​។

អ្នកត្បាញ​ក្រមា​នៅលើកោះដាច់​ជាច្រើន​គ្រួសារ​ បាន​ផ្លាស់ប្តូរ​ពីការ​ត្បាញ​ដោយដៃ​ចំណាយ​ពេលយូរ​ មក​ជាការ​ប្រើប្រាស់ម៉ាស៊ីន​អគ្គិសនី​ដែល​ងាយស្រួល ​និង​ចំណេញ​ពេល​ច្រើនវិញ។ ​អ្នកស្រី ហុក សាំងនី ​អ្នកត្បាញ​ក្រមា​មួយរូប​បានលើក​ឡើងថា​ ការ​ត្បាញ​ដោយម៉ាស៊ីន​ គឺមាន​ភាព​ងាយស្រួល ​និង​ប្រើប្រាស់​កម្លាំង​កាយ​តិច​ ខណៈក្រមា​ដែល​ត្បាញ​បាន​ ក៏មាន​ចំនួន​ច្រើន​ជាង​ការ​ត្បាញ​ដោយ​ដៃផងដែរ។​ តែយ៉ាង​ណា ​ការ​ប្រើប្រាស់​តម្បាញ​ដោយ​ម៉ាស៊ីន​ក៏ត្រូវ​ប្រុងប្រយ័ត្ន​ចំពោះ​សុវត្ថិភាព​អ្នកត្បាញ ​និង​អ្នក​នៅជុំវិញ​ទីតាំង​ត្បាញ​ដូចគ្នា ​ពីព្រោះថា ​វាអាច​បង្កគ្រោះថ្នាក់​ជាយថាហេតុណាមួយ។

នៅ​ក្នុង​នាទី​ជីវិត​ជោគ​ជ័យ​របស់​វិទ្យុ​បារាំង​អន្តរ​ជាតិ​RFI​នៅពេល​នេះ​ អ៊ឹង ប៊ុនថន សូម​ណែនាំ​លោក​អ្នក​ឲ្យ​ស្គាល់​លោកស្រី ដួង សុផាវី ម្ចាស់​សិប្បកម្ម​ផ្ទះចល័ត​ វីភី។ ជា​ស្ត្រី​ម៉េមាយ​កូន​២នាក់ លោកស្រី ដួង សុផាវី និយាយ​ថា ទោះ​បី​ការ​ងារ​ប្រភេទ​នេះ គឺ​ជា​ការ​ងារ​របស់​បុរស តែ​ចំណង់​ចំណូលចិត្ត និង​ភាព​អត់​ធ្មត់​ធ្វើ​ឲ្យ​គាត់​បង្កើត​សិប្បកម្ម​ផ្ទះ​ចល័ត​នេះ​ទទួល​បាន​ជោគ​ជ័យ​។ មិន​ត្រឹម​តែ​​ទទួលបាន​ចំណូល​ផ្ទាល់​ខ្លួន​ប៉ុណ្ណោះ​ទេ ​តែ​ការ​ងារ​សិប្បកម្ម​មួយ​នេះ​ក៏​បាន​រួម​ចំណែក​ដល់​ពលរដ្ឋ​ខ្មែរ​កាត់​បន្ថយ​ចំណាក​ស្រុក​ផង​ដែរ​។

ប្រជាពលរដ្ឋរស់នៅ និងប្រកបរបររកស៊ីជាប់ផ្លូវ៣០ម៉ែត្រ នៅសង្កាត់ចក្រអង្រែក្រោម ខណ្ឌមានជ័យ រាជធានីភ្នំពេញ ត្អូញត្អែរពីការលំបាក ដោយសារផ្លូវ៣០ម៉ែត្រនេះ ត្រង់ចំណុចខ្លះបានខូចខាតជាអន្លើរៗ ធ្វើឲ្យដីហុយប៉ះពាល់ដល់ការរស់នៅ និងរបររកស៊ីរបស់ពួកគេ។ ប្រជាពលរដ្ឋដែលរស់នៅទីនោះ បានអំពាវដល់រដ្ឋាភិបាលឲ្យធ្វើការជួសជុលផ្លូវនេះឲ្យបានឆាប់ ដើម្បីកុំឲ្យប៉ះពាល់ដល់ការរស់នៅ និងរបររកស៊ី ក៏ដូចជាកុំឲ្យមានគ្រោះថ្នាក់ដល់ការធ្វើដំណើរជាដើម។

នៅ​កម្ពុជា​ការ​អបអរ​ពិធី​បុណ្យ​ចូលឆ្នាំ​ចិន-​វៀតណាម​ ស្ទើរ​តែ​ក្លាយ​ជា​ទម្លាប់​ទៅ​ហើយ​សម្រាប់​ពលរដ្ឋ​ភាគ​ច្រើន​មិន​ថា​ តារា​ មនុស្ស​ធម្មតា​ ឬ​មន្ត្រី​រាជការ​មួយ​ចំនួន​ទេ ​ ដែល​សកម្មភាព​ទាំង​អស់​នោះ​ស្ដែង​តាម​រយៈ​ការ​រៀប​សំណែន​សែន​ព្រេន​ដែល​គេ​ជឿ​ថា​ រក​ស៊ី​ធូរធា​ដូច​ជន​ជាតិ​ចិន។​ ប៉ុន្តែ​យ៉ាង​ណា​មិញ​លោក​បណ្ឌិត​ ជិន សុជាតិ​ ជា​ប្រធាន​នាយក​ដ្ឋាន​សិក្សា​និង​ស្រាវជ្រាវ​វប្បធម៌​និង​ភាសាចិន​ថ្លែង​ថា ​ពលរដ្ឋ​ខ្មែរ​មិន​ទាន់​ចូល​ស៊ុប​ទាំង​ស្រុង​នឹង​ពិធី​បុណ្យ​ចូល​ឆ្នាំ​ចិន-​វៀតណាម​ឡើយ​ទេ។​